يعني اية بطيخة ......
الفزورة بتاعه زمان .. خضرا من برة و حمرة من جوة و فيها لب ....... يمكن
بس بالنسبة ليا البطيخة ... خضرة من برة و الله اعلم من جوة .... و بنروح عند بتاع الفاكهه و نقعد ننقي و نخبط على البطيخة و نشيلها على قلبنا للبيت .... و برضة الله اعلم اية من جوة ....
البياعين حبو يرضونا ... قاللك على السكين .. و فاتح ليك بطيخة حمرا .... و يفتحلك بطيخة قدامك ... و تشيلها برضة لحد البيت على قلبك و اول ما تيجي تاكلها ..... تلاقي طعمها عامل زي البرسيم (( ما اعرفش طعم البرسيم ... ممكن تسالو الخروف بتاع العيد بمناسبة الايام دية على طعمه ))
طب تفتكرو نعمل ... نعمل سونار على البطيخة .... ولا ناخد عينة منها و نحللها قبل ما نشتري ..... ولا نجيب خبير اجنبي ينقي لينا البطيخ ...... ولا نبطل نزرع بطيخ و نستورد بطيخ من برة
بس تعرفوا اية حل اموضوع دة ..... بسيط جدا جدا جدا
نجيب بزرة كويسة و نزرعها و نعتني بيها كويس .... و بكدة هتمشي على المثل اللي بيقول حط في بطنك بطيخة صيفى و هتضمن البطيخة
لكن السؤال اللي بيطرح نفسة دلوقتي ...... اية اللي في حياتنا زي البطيخة .... و نقدر نحلة بان احنا نجيب بذرة كويسة
اسبكو بقى تفكرو في البطيخ و البذر و ازاي تزرعوا
فهمي
هناك تعليق واحد:
عاوزنا نطلع اللى محتاج بذر نضيف
ههههههههههههههههههههههههههه
طب قول نطلع اللى مش محتاج بذر أوفر علينا ويمكن متلقيش
هههههههههههههههههههههه
فكرتنى بغياب الثانوية العامة
كنا بدل ما نكتب أسماء الغايبين نكتب أسماء الحاضرين!!!!!!!!!!
مش محتاجة توضيح
إرسال تعليق