الاستخدامات الثلاثة و العشرين للودان ...

طبعا كلنا عندنا بدل الودن اتنين ... بس ما نعرفش اية استخداماتها الاخرى ؟؟

1. طبعا نسمع بيهم دة رقم واحد 
2. لو سيادتك نظرك ضعيف او سنك كبير اكيد هتسند بيهم النضارة 
3. لو حضرتك مقتدر و عندك عربية ... هتلعب بمفتاح العربية في ودنك 
4. ولو ما عندكش عربية العب في ودنك بمفتاح الشقة او اي حاجة تانية 
5. لو انت صنايعي ... اكيد هتحط القلم ورا ودنك علشان الناس يعرفو انك الاسطى و يقولو ليك ... (( يا بشمهندس ))
6. لو انت صاحب مزاج ... حتحط  السيجارة ورا ودنك (( بغض النظر اية اللي فيها ))
7. بنحط فيها سماعات الام بي ثري لزوم الروشنة 
8. و طبعا لو انت مغضوب عليك و لسا طالب في المدرسة ... بتكون الودان اداة للتعذيب (( ايام المدرسة كنت بتمنى لو اعرف افك وداني و اسيبها في البيت ))
9. لو انت دايما بتضرب لخمة ... ودانك بتفضحك و تحمر لما تكون في موقف مش ولابد (( جارك قفشك بتعاكس بنتة  مثلا ))
10. في الصيدليات بتتباع عودة كدة في طرفها قطنة ... ممكن تشتريها تلعب بيها في ودنك .... (( على فكرة مش غالية .. ممكن تسلي وقتك بالموضوع دة ))
11. ممكن يجي ابنك الغلس و يصوت في ودنك .... طبعا هتقعد كام يوم تسمع طشاش 
12. لو انت غاوي  فشخرة ممكن تشتري سماعة بلوتوث و تحطها في ودنك .... (( مش شرط يبقى عندك موبايل .. ممكن تقول للناس دة موبايل حديث بيتحط في الودن جايبة من بور سعيد ))
13. ممكن بقى تحط صباعك في ودنك لما تكون مش عايز تسمع .... ملحوظة : دةعكس الاستخدام رقم 1 
14. تستخدم في الشتيمة ..... (( انت انطرشت ..... ))
15. تستخدم للتنبية .... (( طرطق ودانك و اسمعني كويس .. ))
16. تستخدم للتهديد .... (( هملص ليك ودانك ...))
17. تستخدم للتشبية .... (( لما واحد يكون بيرغي كتير تقولة ..... يا اخي انزل من على وداني .... او تقول فلان دة اكل وداني ))
18. تستخدم لتلميع الاكر  .... ((ملحوظة : تلميع اكر يعني تصنت على الناس .... مش ادوات نظافة ))
19. تستخدم كادة ممتازة للتنفيض ...... (( لما عايز تقلب حد بتعمل نفسك مش سامعة ))
20. بيستخدمها الدكتور .... اكيد طبعا بيحط فيها السماعه .. مش حاجة تانية 
21. ممكن تحب تهزر مع ابنك ... تقوم تشد ودانك علشان شكلك يبقى زي القرد ... (( طبعا ابنك بيقول في سرة .." هوة بابا اتهبل ولا اية "))
22. ممكن تحب ترخم على واحد تنفخلة في ودنة 
23. الحكومة بتستخدمها كتير (( يقولك دية قرصة ودن ...... سمعت انهم هيستوردو قراصات ودان من الصين ))

كدة عداني العيب ...... يا ريت بقى كل واحد يستغل ودانو كويس 

فهمي