كان بقالي فترة بطلت اكتب ... ما فيش حاجة معين لافتة نظري ... او بالاصح مش متابع
لكن اليومين دول لقيت موضوع ابتدى ينتشر و هوة الوطنية الزايدة عن اللزوم .... و كل واحد عايز يثبت انة كتر واحد وطني و انة واد ثورجي و مخلص .... و علشان يبقى كدة .. لاحظت شوية حاجات بعملوها الشباب علشان يبينو الوطنية دية
و علشان تبقى زيهم او وطني اخر احاجة امشي على التعليمات دية
- افتح حساب على التويتر والفيس بوك و اكتب فيهم اي حاجة
- اشتري علم مصر و علقة في كل حتة و اي حتة و حطة في بوفايلك في الفيسبوك .... و لو ملاقيتش العلم ... علم سوريا او اليمن يمشي
- كل ما تقابل حد من صحابك قولة .. ما شفتكش يعني في الميدان ... ما شفتكش في مظاهرة امبارح
- اتكلم في السياسة .... و الشخصيات السياسية الكبيرة زي نادية الجندي و مرتضى منصور
- اعمل نفسك بتتابع البرامج و الحوارات السياسية و قول لصحابك شفت الجزيرة امبارح ... لو قاللك لأ قولة فاتك نص عمرك ... حان حوار جامد امبارح .... و لو قاللك اة قولة كان فيها اية ؟؟ اصلي كنت بتابع حوار جامد على قناة العربية
- اقعد اتكلم في الدستور و المواد و التعديلات وا نك مش موافق و كدة
- اقعد انقد في الحكومة القديمة و الوزرا ء السابقين مع انك اول مرة تسمع عنهم و اسماء وزاراتهم و لا عملو اية
- اي مظاهرة تسمع عنها اطلع فيها حتى لو كانت عن حقوق الحيوان
- كل شوية قول لصحابك .. شفت اخر تويتر لفلان
- وصي اهلك يقولو دايما ... و الله الواد ما بيقومش من على الفييس بوك ..... ثورجي من يومة
- لو عندك عربية شيل نمرتها و حط مكانها 25 يناير
- اطلع في الشوارع و اتصور مع كل الدبابات و المدرعات اللي فيها
- قسم الناس لصنفين ... القائمة البيضة و القائمة السودة
- اقعد كل شوية كح .... و قول اصل الغاز المسيل للدموع لسة تاعبني
- اي جرح قديم في راسك او رجلك ... قول دة من المظاهرات
- اشتريلك طقم الثورة .... كوفية علم مصر ... حظاظة علم مصر ... طاقية علم مصر
- نزل نغمات الثورة و الاغاني الوطنية على موبايلك
- اعترض على كل حاجة و اي حاجة و اللي ما يعجبكش قول نطلع مظاهرة .... حتى لو كان طبيخ البيت مش عاجبك
- اي حد ما يعجبكش اطلع و اتظاهر و قول اصلة من بقايا النظام القديم
@@ مع احترامي الكامل للثورة و رموزها و شبابها ... لكن في شوية ناس تغيظ ..... اسف مقدرتش امسك نفسي !!
فهمي
هناك تعليقان (2):
ولو الموضوع معجبنيش هاعمل مظاهرة برضه
أنا كنت هنا
وقريت المدونة
من أول طاطأ
لسلاموا عليكم
بجد مدونة جميلة
وكلامك زى العسل
بس انت فين من أخر
مرة (مارس اللى فات)
يارب تكون بخير وكمان
بستأذنك أخد واحدة من
تدويناتك دى انشرها عندى
ممكن؟وحأكتب طبعا انها بتاعتك
ماشى يافهمى ياابو المفهومية ؟
إرسال تعليق