الطبيعي في اي حتة في الدنيا ... ان اي حاجة تموت .. الدود بياكلها
دة حتى لما الواحد عايز ياكد كلامة بيقول (( شوفتة بعنيا دول اللي هياكلها الدود ))
لكن حكومتنا الرشيدة (( من مبدا المساواة و العدل بين افراد المجتمع )) ... ما ترضاش لشعبها كدة
لازم يبقى في مساواة مرة الدود ياكلك و مرة انت تاكلة ... طبقا للمادة 555 من الدستور (( يوم ليك و يوم عليك )) اللي استبدلناها بالمادة رقم 666 ((كل الايام عليك ))
و اطلقت حملة (( كل الدودة قبل ما تاكلك )) .... و تتمثل هذة الحملة في البنود التالية
- مش بدودة .... منتج محلي قديم ذو كفاءة عالية
- فول مستورد بالدود
- قمح روسي بالدود .... (( الدودة الروسي بيضة و شعرها اصفر ... شوف الحكومة بتحبنا قد اية ))
- و اخيرا لحمة بالدود ... علشان ولاد الذوات ياكلو دود ...... امال هياكلو فول و مش بالدود زي الصعاليك
و اللي يغيظك اكتر في موضوع اللحمة انة لما اكتشفو موضوع الدود دة ...
طلع الوزير مبتسم و يقول .. الدود دة مش مضر دة مفيد للصحة
بعد اذنكو يا جماعه الحق اكل الدودة بتاعتي قبل ما تاكلني
ابو المفهومية
هناك تعليق واحد:
ممكن يبقى فول بدودو ورز بسوسو وكمان لحمة بدودو والله كله خير دا الحكومة مدلعانا على الآخر مش عارفين الجمايل دى هنوديه فين ولا فين
إرسال تعليق