كنت زمان بسمع نكتة " واحد قصير مشي جنب الرصيف حك في كتفة "
و اضحك عليها .... لكن لما نزلت الشارع قعدت ادور على الرصيف دة اللي بيحك فية الراجل القصير
و كان ايام كتير بمشي جنب الرصيف ما بمشيش علية ... علشان كنت فاكرة دة السور بتاع المدرسة
و في المدرسة بيقولو لينا ان اللي ينط من على السور يبقى وحش " قال يعني كنت بسمع الكلام "
لغاية ما كتشفت بالصدفة ان الرصيف دة هوة السور العالي اللي بيدهنوة لما الريس يزور شارعنا ...
انا عايز اعرف مين ابن التيييييييت صاحب فكرة الرصيف دة ... و اللي عمل مصنع للارصفة دية
و اية هية مواصفات الرصيف المصري ... و هل محتاج نوع معين من التمارين او اللياقة البدنية لاجتياز الرصيف
(( سمعت انهم هيضيفوها في الالعاب الاولومبية )) جري ارصفة
دة حتى بقى مشهد مالوف انك تلاقي واحد عجوز واقف قدام الرصيف بقالة نص ساعه و يقولك ....
خد بايدي يبني علشان اطلع الرصيف دة
طبعا سيادتك مش هتنزل من على الرصيف ... هتنزلة حبل يمسك فية و ترفعه
من تحت الرصيف ..... فهمي
هناك تعليقان (2):
فهمى أبو المفهومية كلام كويس جداً بس كويس ان عندكم شارع الرئيس يعدى منه عشان يدهنوه والله فى أماكن متعرفشى تعدى منها غير بجمبك هههههههههههههههههههههه
إرسال تعليق