من كام يوم صحيت على خبر سعيد جدا ..... ان الريس قرر يدخل الانتخابات !!! يعني هيبقى ريس من تاني
بالمناسبة ... انا بصحى على نفس الخبر من 29 سنة هوة هوة ... اية الجديد ؟؟
بيني و بينكو مش متخيل بلدنا من غير مبارك .. دة كل حاجة في البلد بقى اسمها مبارك
- ميدان مبارك
- مدرسة مبارك
- مكتبة مبارك
- مدينة مبارك
- اكاديمية مبارك
- محور مبارك
- كوبري مبارك
- اسكان مبارك
- مشروع مبارك
تخيل بقى لو مبارك ما بقاش ريس ... هنعمل اية في الحاجات دية كلها ... هنوديها فين ...
و افرض الريس الجديد اسمة مش عاطفي ... !! ؟؟
حتى لو هو مش هيدخل الانتخابات .... لازم ان اللي يدخل الانتخابات يكون اسمة فية مبارك (( دة شرط اساسي ))
او يطبق علية القانون (( من ابناء العاملين )) ...
او يتنازل لابنة عن الوظيفة ... (( زي ما انتو عرفين ازمة البطالة و ما فيش شغل .... يعني يعمل اية ؟؟ ))
ربنا يخليك لينا .... يااااااااااااااارب
فهمي .....
طبعا لو ما كتبتش تاني ... اكيد هتعرفو السبب !!!
هناك تعليقان (2):
ولا اعرفك ....
ههههههههه
طبعاً هتروح تصيف
هههههههههههههههههههههه
وطبعاً كلنا عارفين فين
إرسال تعليق