افتيكاسات ... كلمة بسمعها كتير
لو جينا نحلل الكلمة دية هنلاقي ليها احتمالين
الاحتمال الاول :
اف : لما نشم ريحة وحشة .... تي : يعني شاي بالانجليزي ...... كاسات : كوباية
يعني ..... كوبايات شاي ريحتها وحشة
اما الاحتمال الثاني و الاكيد :
افتي : بمعنى فتاوي او فتوى ....... كاسات : كوبايات
يعني ...... بتشرب الفتوى في كوباية
و دة اللي بيحصل بالظبط .... الحكومة الرشيدة بتفتي شوية فتاوي عبيطة و تشربها لينا في كوباية (( زي الحاجة الاصفرة بالظبط ))
من ضمن الفتاوي دية
- السفاح طلع مختل عقليا
- الواد مات علشان بلع لفافة بنجو
- القطر ولع بسبب ماس كهربائي .... على اساس ان القطر بيشتغل بالكهربا
- انابيب الغاز غليت بسبب جشع التجار ... بردة على اساس ان الحديد ما غليش بسبب جشع التجار
- الدودة اللي في اللحمة المستوردة ... مش مضرة ... بالعكس دية مفيدة للصحة
- الطماطم غالية بسبب الدودة (( هبقى اتكلم على الموضوع دة ))
- اغذية المدرسة مش مضروبة ... العيال اللي بيستهبلو ..... اكل البيت هوة اللي بيسممهم
- جمال مش هيرشح نفسة .... مين اللي قال الكلام دة
و حاجات تانية كتير انت هتفتكروها اكتر مني ....
اهم حاجة كل واحد يخلي كوبايتة دايما معاه .... علشان لو قابل اي فتوة كدة ولا كدة يشربها علطول و يحبس
تحياتي ... فهمي
هناك تعليقان (2):
ليكن شعارنا أرفع الكوباية وكبر الطاسة
إرسال تعليق