انت هندي .....؟
كلمة كانت بتتقال بنوع من الاستهزاء و في الغالب يتبعها كلمة (( انت ما بتفهمش ؟؟))
علشان الهندي دة حسب ثقافتنا القديمة .... شخص لابس العمة 24 ساعه .... " طبعا فاهمين "
دة حتى لما كنت تحب تلبس العمة لحد يقوللك .... اية يا عم انت فاكرني راكن الفيل برة ؟؟؟
او يقولك ... على فكرة .. الفيل اللي برة دة مش بتاعي ..
لكن الوضع دلوقتي اتغير (( في الهند بس .. احنا لسة زي ما احنا ما تغيرناش ))
بقت اكبر مصدر للمبرمجين و البرمجيات .... بقى عندهم ترسانة نووية بجد " مش نوى البلح ولا المشمش "
مع انهم عندهم عشوائيات و بلاوي اكتر مننا (( ابقو اتفرجوا على فيلم المليونير المتشرد )) ... على فكرة اغاني الفيلم عجبتني جدا
و اخيرا ... سمعت انهم عملو كمبيوتر كفي هتبقى تكلفة تصنيعه 10 دولار بس علشان الشعب يشهيص و يعيش
و احنا لسا بنستخدم نفس الشتيمة .... انت هندي ؟؟ ....... (( المفروض ندور على جنسية تانية ))
انا عن نفسي لو اتقالت لية الكلمة دية ..... هرد و اقول يارييييييييييييت
" على راي مصطفى كامل .. مش المطرب طبعاً "
من تحت العمة الهندي .... ابو المفاهيم
هناك تعليق واحد:
اللهم إنى لا أسألك رد القضاء ولكنى أسألك اللطف بنا
إرسال تعليق