طبعا اول ما نسمع كلمة مجنونة ..... يجي في بالنا الطماطم علطوووول
اولاً .. احب اوضح ان الطماطم فاكهه مش خضار
و الناس شايفاها مجنونة علشان سعرها بيطلع و بينزل .....
بس انا شايفها مجنونة علشان اسباب اخرى ...!
- بقينا نتابع اسعارها زي الدولار و الدهب و البورصة ... و بقى السؤال التقليدي لاي واحد معاة جرنان (( ممكن الجرنان بعد اذنك اشوف الطماطم بكام النهاردة ))
- حصلت جرايم قتل و سرقة و سطو مسلح بسبب الطماطم ... كلنا تابعناها في الاخبار
- احتمال تكون محطات الكهربا بتشتغل بالطماطم ... (( بسبب تزامن انقطاع الكهرباء و اسعار الطماطم ))
يعني هية الدودة دية اول مرة تشوف الطماطم مثلا ..... و لا كانت بتتوحم على الطماطم علشان حامل فنزلت فيها اكل
طب و ان الدودة تاكل المحصول ... محتاجة رئيس الوزراء يقول هذا البيان التاريخي
طب و انا اعمل اية يعني
اروح اتخانق مع الدودة
ولا اخرط الدودة على السلطة
المهم كل واحد يخلي بالة من الدودة لحسن تاكل حاجات تانية و تمنها يغلى ... و يضطر رئيس الوزراء يطلع و يدلي بتصريح تاني ... و واحنا عارفين انة عريس جديد ... و المواضيع دية بتعكنن علية (( او هوة اللي بيتلكك ))
من بين ادغال الصلصة .... ابو المفهومية
هناك تعليق واحد:
بعد كدا ممكن لو الواحدة اتقدم لها عريس يجيب لها الشبكة طماطماية أو طبق سلطة ولو بقى متريش ممكن يجيب لها قفص ههههههههههههه
عليه العوض
إرسال تعليق